استانانى بەتكە العان جولاۋشىلاردى كومناپيا باسشىلىعى ءسان-سالتاناتىمەن شىعارىپ سالدى. شارانىڭ ۇيىتقىسى بولعان راقىم تاڭىربەرگەنوۆ «بۇگىن ەكى اۆتوبۋسپەن «جولاۋشى» جشس-دە قىزمەت ەتەتىن 100 ازاماتتى شىعارىپ سالىپ تۇرمىز. استاناعا بارعاندا ارىپتەستەرىمىزدىڭ جاتىن ورنى تولىعىمەن شەشىلگەن. ونداعى ماقساتىمىز - قىزمەتكەرلەرىمىز استانا قالاسىن كورىپ, ەكسپو كورمەسىن ارالاۋىنا جاقسى جاعداي جاساساق دەگەن نيەتتەن تۋىنداپ وتىر», - دەدى.
ايتا كەتەرلىگى, بۇل ساپار شىلدە ايىنىڭ 12-ءسى كۇنى قايتا جالعاسىن تاپپاق. ول كەزدە وسىنداعى تۇركىستان يندۋستريالدى-تەحنيكالىق كوللەدجىنىڭ وزات ستۋدەنتتەرى مەن وقىتۋشىلار قۇرامى ەلوردامىز استاناعا اتتانباق. ءدال وسىنداي يگى شارالار الداعى ۋاقىتتا دا جالعاسىن تابادى.
تۇركىستان قالالىق ىشكى ىستەر باسقارماسىنىڭ ءتارتىپ ساقشىلارى دا ر.تاڭىربەرگەنوۆتىڭ قولداۋىنا يە بولىپ وتىر. قالالىق ىشكى ىستەر باسقارماسىنا حالىق قالاۋلىسىنىڭ دەمەۋشىلىگىمەن 20 بيلەت بەرىلگەن بولاتىن. بۇگىنگى جولعا شىققان جولاۋشىلار اراسىندا پوليتسيا قىزمەتكەرلەرى دە بار. قالاداعى جانى جومارت ازاماتتاردىڭ بىرىنەن سانالاتىن ر.تاڭىربەرگەنوۆكە وسى شارا بارىسىندا قالالىق ىشكى ىستەر باسقارماسىنىڭ باسشىسى ە.قىدىرباەۆ «قازاقستان پوليتسياسىنا 25 جىل» مەرەكەلىك مەدالىن سالتاناتتى تۇردە تاقتى.
تۇركىستان قالاسى اكىمىنىڭ ورىنباسارى ع.رىسبەكوۆ يگىلىكتى ىسكە مۇرىندىق بولىپ وتىرعان ر.كولباي ۇلىنا العىس ءبىلدىرىپ, جولاۋشىلارعا ءسات-ساپار تىلەدى.
